Solomon Islands inau stap insait long wanpla heve long sait long nasinol politik bihain long 12pla minista ibin risain long coalition gavman blong Praim Minista Jeremiah Manele istat long Sande nait.
Ol displa minista wantaim tu Deputy Prime Minister, Fredrick Kologeto oli memba blong People First Party , wanpla long ol 4pla party insait long coalition Government for National Unity and Transformation.
ABC niusmeri long Honiara, Chrisnrita Aumanu Leong i ripot olsem ol Opposition inau tok oli gat 28 long ol 50 memba blong Palamen, na oli givim notis pinis long bai oli muvim wanpla motion blong rausim Praim Minista Jeremiah Manele long Tuesday next wik.
Image Details
Tufala niu minista Mary Garu and Freda Tuki afta tufala tekem Oath (SIG media)