Wanpla clan chief long Panguna long Central Bougainville em i wanbel long ol wok we ABG Gavman anda long President Ishmael Toroama i wokim bihainim ol law long opim bek gen Panguna Mine.
Displa sapot ikam long Maximillian Pipino we em Chief blong Basikang Clan blong ples Enamira long Panguna husat i wanbel stret long ol community engagement program we ABG Chief Secretary na BCL Chairman, Kearnneth Nanei i anaunsim displa wik.
Em itok displa ol komuniti engagement program long sait long maining ibin stat long Mande na bai em igo inap long namba 27 long displa mun.
Mr Nanei itok ol Gavman offisa na veterans blong Central Bougainville nau i karim aut dispala program long ol komuniti insait long Panguna, wantaim tu ol mine-affected komuniti long antap na tablo long ol tailings eria.
Credits
Image Details
Chief Maximillian Pipino blong Basikang clan blong Panguna ilukluk go long bipo mine pit